السلام عليكم ورحمة الله وبركاته
هذا طبق من أكثر الأطباق اللي احبها
ولو انه دسم بس رهيييييييييييب جداً
المقادير
500 جرام باستا (معكرونه ) أي نوع
500 جرام لحم مفروم
5 حبات طماط
5 حبات مشروم أو أكثر حسب الرغبة
ملعقة اكل زعتر
فص ثوم - و 3 بصلات متوسطة
ملعقة جاي فلفل اسود
5 ملاعق اكل صلصة المعكرونه و هي صلصة طمام تقريبا(العلالي او اي نوع ثاني)
200 جرام جبن موزيريلا
4 الى 6 ملاعق جبن (Cream cheese )
علبتين كريمة حامضة
كوب حليب طازج
ملح حسب الرغبة
نص كوب زيت زيتون
اوراق بقدونس طازج للديكور
الطريقة
نغلي المعكرونه حتى تلين مع الملح
نقطع البصل و نقليه لين يلين مع ملعقة اكل زيت زيتون
نضيف اللحم و نطبخة ربع ساعة
نقطع الطماط و نضيفه مده ربع ساعة الى 20 دقيقة لين ينشف ماي الطماط مع مراعاة التحريك المستمر
نقطع الثوم و نضيف له الكريمه الحامضةو نضيف له ربع ملعقة من الزعتر و ملح و فلفل اسود و نخلطهم زين بعدين انضيف لهم الحليب و جبن القلاصات و نتركهم جانبا .
نرفع المعكرونه من النار و نضيف لها صلصة المعكرونه
ناخذ خلطة اللحم و نضيف له ملح و فلفل اسود و نخلطه مع المعكرونه على نار هادئه
نقطع المشروم و نضيفة للخليط لين يلين شوي و نرفعه من على النار
نصب خليط المعكرونه في طاس التقديم
نبشر جبن موزيريلا فوقه
نصب خلطة الكريمة الحامضة عليهم و و نحطه في المايكررويف خمس دقايق عشان يذوب الجبن ويقدم..
